يازدين ، اونوداندا باخارسان آنجاق.

من سني اونوتسام ...

                        دوشوندون مو بير ،

شكلين سندن اول اونودولاجاق...

بيليرم،

بير داها دؤنمه يه جك سن ،

عكسين - يانان عشقين بير اوووج كولو...

اؤزون ياد اوره يي دينله يه جك سن ،

شكلينسه قلبيمين دؤيونتوسونو.

سني ساخلاماغا چاتمادي گوجوم،

آچيلان نه واختسا سولمالي ايميش.

شكليني وره قه كؤچورمك اوچون

آرادا نئقاتيو اولمالي ايميش.

بو سويوق كاغيذدا سئوينج دونوبدور ،

كده رين هارداسا يول گلير هله .

اوزونه خفيف بير گولوش قونوبدور ،

هيجرانا باخيرسان سن گوله - گوله...

بير آنين حوكمويله دييشير اينسان،

نئجه عزيز ايدي باياق بو شكيل.

سن اؤزون بير سئوگي خومارينداسان،

هميشه اوياقدير ،

                  اوياق بو شكيل.

بير كاغيذ اوستونده دونان اوميدين

غملي گؤزلرينده ابدي اوجاق،

شكلين واختي سايان ساعات كيميدي ،

ياديما دوشنده باخيرام آنجاق...

نصرت کسمنلی

خنجریمی باغلارام              دوشمانلاری داغلارام

یادیما یار دوشنده               اوشاق کیمی آغلارام

خبر گئتسین اویادا              او دوشمانا او یادا

بی وفایا سوز وئرمه             گئدر آچار او یادا

ائل قیزی وئبلاگیننان آلینیبhttp://www.elqiziyam.blogfa.com/

بو دونيانين سئوينجيندن اوزاغام

بو غريبين سوروشمارام كيمي وار

نه زاماندير دوغما ائلدن اوزاغام.

                                       ياز گلنده چيچك آچار ، گول آچار

                                       منيم غريب قالان كؤنلوم آچيلماز

                                       فصيل- فصيل نيسگيللريم ديل آچار

                                       بولود- بولود دولان كؤنلوم آچيلماز.

تبريزيمين يولو داشدي ، يولو داش

بو يوللاردا ايلديريملار دينئيدي

تبريزيمين ساغي داشدي ، سولو داش

داشلار ساواش سنگرينه دؤنئيدي .

                                      تبريزيمين تاريخي وار ، آدي وار

                                      تبريزيمين تاريخيدير فخريميز

                                      سينه سينده مين ايللرين اودو وار

                                      بو تبريزين سينه سيدير يئريميز.

تبريزيمين كؤكسو يارا آلسادا

تبريزيمين اييلمه ييب باشي هئچ

من اوزاقدا ، او اوزاقدا اولسادا

آيريلماييب اوندان كؤنولوم قوشو هئچ.

                                     دوشمن بيلسين ، ميليون - ميليون سانيم وار

                                     كرپيج - كرپيج داغيلاسي دئييلم

                                     باشيم اوسته چوخ آت چاپدي طوفانلار

                                     بيلن بيلدي چتين سينام ، اييلم.

تبريزيمين چشمه سي وار ، ويو بال

بيرجه ايچيم درمان اولار هر درده

گل او يئرده اي دوست ، سن ده قوناق قال

گل ، قالماياق بو حسرتلي ايللرده .

                                     بو دونيا دا ياشاماغا نه واركي

                                     شيرينلشن وصال پايين اولارسا

                                    عؤمرون يوكون داشيماغا نه وار كي

                                     سئوينج دولو ايلين ، آيين اولارسا... .

                                                                     مدينه گولگون

ائل قیزی وئبلاگیننان آلینیبhttp://www.elqiziyam.blogfa.com/

امداده گل یا حسین تورکلری اولدوروللر                     تورپاقی کفره وریب شیعنی اولدورولر

گل گیلن قاراباغا آلقاندی یا محمد                              مسجدلرین سوکولدو تالاندی یا محمد

کفن سیز شهیدلرین عریاندی یا محمد                    فارس ارمنی ، اسلاما دوشماندی یا محمد

شیعه نین دیلی بوردا قاداغاندی یا حسین                تورکجه عزا توتماقیم یاساقلاندی یا حسین

آذربایجان شیعه سینی دویدورولر یا حسین               تورکم دیئن شیعه نی اولدورولر یا حسین

تورک شیعه سین یا حسین دین آدیلا قیریللار                 دیلین قاداغانلیب زیندانا دولدوروللار

یا عاباس یا عاباس فارسدان بیزی ائت خیلاص

یا حسین من تورکم یا زهرا من تورکم یا عاباس من تورکم

یا حسین، یاحسین اصغرین اوخلانیبدیر                   اصغرین یاشیدلاری زینداندا ساخلانیبدیر

فارس شوونیزمی بوگون بیزه حکومت ائدیر          اوز دیلیمی باغلایب ، فارسینی بدعت ائدیر

یزیدین اولادلاری دیلیمیزی کسدیلر                        قامچی وروب بیزلره فارسینی اورگئتدیلر

یا حسین ، یا حسین تورکی قیریللار بوگون                          یا سالیبلار زیندانا یاکی ائدیللر سورگون حسین اسیر اولمادی بیزده اسیر اولماریق

دیلیم یاساقدیر یا حسین

Imdadə gəl ya Hüseyn türkləri öldürürlər           torpağı küfrə verib şiəni öldürürlər

Kərkük

Uşaqların    Yaralarla    Oynayır

Anaların    Ağlayışı     Qaynayır

Gökdən Sənə Bobalar nə damlayır

Ay əzəldən Yaralı kənt Kərküküm

Yazıq Baxtı Qaralı Kənt Kərküküm

Türk Dildaşımdan Gör nə Qan Axır

Demokrasıçılarda Qıraxdardan Baxır

Gönlümə  Bax  Özün Yandırır Yaxır 

Ay əzəldən Yaralı kənt Kərküküm

Yazıq Baxtı Qaralı Kənt Kərküküm

گؤي لرده ساللاییب قاشین قاباغین

گتمه ائستيرسن آديمين گلمير

گؤزومه باغلی دیر سنین آیاغین

اوخلانیب گؤزومه گؤزلرین سنین

باخیشین جالاییر کؤنلومه سازاق

آیریلیق ناغیلین اوخویورام من

هر کیپریک چالاندا دؤنور بیر واراق

جومورام کؤنلونه آی دنیز گؤزلوم

کؤنلون دالغالانیب چاغلاییر منی

آدیمی سیلیرسن بو گون بختیمدن

گؤزلر داملا – داملا آغلاییر منی

بو گون سن گئدیرسن کدیرلییم من

دونوبدور آغزیمدا هاراییم- سؤزوم

یوخ ! یوخ ! آغلاماییر دالینجا سنین

اوغور اولسون دئیه سو سپیر گؤزوم

نه واختسیز کؤچورسن دورنا باخیشلیم

هاچان یازدا کؤچوب گؤللرین قازی

آی ایپک قاناد لیم سن کی عمورلوک

قاییتماز اولورسان، نئیلیرم یازی ؟

داشلاردا آغلاییر ویداع مارشینا

یول لاردا دوشونوب سون نییتینی

آیاقلا آرزیمی خوش گونه قووش

ایسته رم دونیادا سعادتینی

دئمیشدیم آنانا : " سئودیییم گؤزه ل !

سیزین قیزینیز دیر" منیم اولاجاق

بیلمزدیم ساچین تک باختیم قارادی

آرزی چیچک لریم بیر گون سولاجاق

منیمسه بختیمدن بئله گلیبدیر

هئچ آلوو بئله جه منی یاخمادی

اوچدو آرزی لاریم تیکدیییم بینا

ییخیلمیش تاواندان توزدا قالخمادی

گئتدین بخت ائوینه یولون اوغورلو

ضن ائتمه اؤز الیم ، اؤز باشیم اولدو

گئتدین می؟ حیاتین اوغوللو – قیزلی

منیمسه سیر داشیم ، گؤز یاشیم اولدو

گوز یاشیم جواهیر گوز یاشیم اینجی

دایان! گئتمه دایان دردینی آلیم!

آغارمیش ساچیمین ساپینا دوزوب

بو سون یادیگاری بوینونا سالیم

 آتالار دئییرلر حیاتین یولو

یاری قسمت اولسا -یاری همت دیر

اولدوقجا چالیشدیم ، چاتمادیم سنه

خوشبخت اول گؤزه لیم بودا قیسمت دیر

یاخشی یول دئییرم تیترک دوداقلا

لاکین آرزیم عشقسم دومانا دونور

سوز لریم آسانجا قوپور دیلیمدن

آنجاق! گؤروشوموز گومانا دؤنور

کؤکسومده قیزیلدان بیر سارای سالدیم

یاشارسان عؤمورلوک دیله ییمده ، سن

گؤزومدن گئتسن ده اوزاق دئییلسن

رویالاریمداسان اوره ییمده سن

قایاقیزی وئبلاگیننان آلینیبhttp://gayagizi2.blogfa.com/

قیش گئتسین اولسون باهار

یاغسین سولار اولسون آخار

سن تک نازلی دیلبرین

هاممی دالیسینجا باخار

**************

داغدان گلر سئل آخار

یار گؤل درر؛گؤل تاخار

هر گؤل گوزومه ده یسه

یادیما دوشورسن باهار

باهارخانیم اونوتما بیزی

كلمه‌لرين

بو گئج واخت

بو سون باهار گئجه‌سينده 

كلمه‌لرين‌له دولويام، 

زامان كيمي، ماده كيمي ابدي،  

گؤز كيمي چيليپاق،

ائل كيمي آغير  

و اولدوزلار كيمي پيريل پيريل 

                               كلمه‌لر.

كلمه‌لرين گلديلر منه،

اوره‌ييندن، باشيندان، اتيندنديلر 

كلمه‌لرين گتيرديلر سني،

اونلار: آنا،

اونلار: قادين     

و يوالداش اولان.. 

محزون‌دولار، آجيديلار، سئوينجلي، اومودلو، قهرمانديلار،

كلمه‌لرين اينسانديلار.

 بیر یاشیل دویغودور  وارلیغین  سنین

 نیسگیللی تبریزین  یارالی قوینوندا

 اینجی یاراشیقدیر دردلی اوره گین

 ائلین سئوگیسینین بوکوک بوینوندا

 سن حصارا سیغیشمایان

 سن یوخلوغا یاراشمایان

 سئودالارین سرخوشوسان

 کوف قاپسایان قارانلیغی هدف آلان

 جان یایینین  نور اوخوسان

 دویغولارین گله جگین باخیشیدیر

 آذربایجان مارالینین یارالانان ناخیشیدیر

 بولاغ بولاغ دنیز یولون آچانلارین

 اومود دولو آخیشیدیر

 چوروک چاتلاق هیولالار

 مزارلاردا اویانسادا

 یوزایللرین اؤلولری

 کفن یئرتیب دیریلیغا بویانسادا

 جهالتین چیبانلاری دئشیلسه ده دوراق دوراق

 چی باخیشلار ایز سالسادا زولاخ زولاخ

 گونشیمیز کؤزه رسه ده دوستاقلاردا چیراغ چیراغ

 داغ داغ  اوسته داغا دؤنوب

 پوسگوره جک اؤزوموزدن

 اودلاناجاق آغیر گئجه

 اؤره ک اؤره ک  کؤزوموزدن

 سن سو کیمی  هاوا کیمی  تورپاغ کیمی

 آرزیمیزین اورمانیندا چینار بویلو یارپاغ کیمی

 اؤزگورلوگون یوروشونده یورولمایان ایاغ کیمی

 گله جگین بئشیگینده گولومسه ین دوداغ کیمی

 سؤزوموزون ساراسینین ساچلارینی ناخیشلایان دراخ کیمی

 سن یئپرانماز  اونودولماز سن بیر آخار بولاغ

 جهنّمین ائلچیلری آغ قوماشا بورونسه ده

 قارین قولو قوروقچولارآدیم باشی گؤرونسه ده

 وارلیغیمیز گؤز اؤنونده یالانلارلا هورونسه ده

 قوجا دونیا دایانمادان دؤنمه ده دیر

 دئییشیلمز دئییشیمدیر

 یئنیلیگه اویمایانلار سؤنمه ده دیر

 سن بو قورخو اؤرتوگونون آرخاسیندا

 حسرت دولو باخیشلارین گؤزگوسوسن

 دیلی باغلی باغچالارین سؤزجوسو سن

 سن ساحرین  سن صمدین یول یولداشی

 سن مشفقین  سن اوختایین  سن مرضیه وطنداشی

 سن بوغولان اولدوزلارین   سن ساعدی قلمداشی

 سن اؤزونو بیلن اؤزونو آشان

 سن ناغیل اولوب یاشایان

دئییر گونلرین بیر گونونده بایندرخانین کوره کنی قازان کی اوغوزون دا قوچویدو بیرمجلیسده سرمست اولار و ایسته ر شیکارا گئده و اوروز آدیندا اوغلونو دا 300 نفرنه بیرلیکدهاردویا نگهبان قویار . کافیرلرین جاسویو شوکلی ملکه خبر یئتیره ر . اودا بیر 7000 جنگی کیشی لرینه ن قازانین اردوسونا یوگوره ر جماعتین بیر چوخون اؤلدوروب بیر قده رینی ده اسیر توتار و سورا دا اوز قویار قازانین قویونلاینا ساری .

قاراچیق بیر زورلو گوجلو چوبانیدی کی ایکی قارداشینان بیر دشمنین قاباغیندا دایانار . امان ایکی قارداشیدا بو جنگده اؤله رلر .

گئجه چاغی قازان قورخولو بیر یوخو گؤره ر و تک باشینا اوردویا ساری گئده ر . اؤز ائلینی داغیلمیش گؤره ر . چوبانیندان حال قضیه نی سوروشار. کافیرلرین سراغیا گئده ر . اما چویانی آپارماق ایسته مه ز نییه کی اؤز اؤزونه فیکیرله شه ر کی اگر دوشمنی یئره وورسا چوبانین اونون یانیندا اولدوغو اونون شانین آزالدار . اونون اوچون چوبانی بیر آغاجا باغلار و یولا دوشه ر . اما چوبان آغاجی دا کوکوندن چیخاردیب قازانین دالیسی جا یولا دوشه ر . و دییه ر آغاجی دا اؤزومونه ن آپاریرام کی اربابیم پیروز اولاندان سورا بوندان اونا پیشمیش پیشیرم . قازان بو سؤزو ائشیدیب خوشونا گلر و چوبانی دا اؤزوینه ن آپارار .

بو یاندان شوکلی خان کی قازانین اهل عیالین اسیر توتموشدو ایسته ر کی قازانین خانیمی سی بورلا خاتون اونا شراب گه تیرسین . اسیرله رین ایچینده بورلا خاتونو آختارارلار . اما اونلارین ایچینده 40 آرواد اؤزلرینی بورلا خاتون معرفی ائله رلر . کافیرلر ایسته رلر قازانین اوغلو اوروزو دارا آسالار و اونون اتینی آروادلارا یئدیرده لر اوندا آنا بالاسینین اتین یئمیه جاق و اونلار بورلا خاتونو تانییا جاقلار . بورلاخاتون اوغلوینان دانیشار .اوغول آناسیندان ایسته ر او بیرسی آروادلار کیمی ائله سین کی آتاسینین شرفی هرنه ده ن قاباق دیر . کافرلر دار آغاجین حاضیرلارلار ایسته رلر کی اوغلانی دارا آسالار قازان نان چوبانی یئتیشه رلر قازان بوتون اموالیندان گئچه ر و کافیرلرین شاهیندا ایسته ر کی قوجا آناسین  آزاد ائله سین . اما کافیرلر اونو مسخره ائلییب گوله لر .

بو یاندان آغوزلار یئتیشیب و دسته مازدان و دعا دان سورا کافیرلره یوگوروب بویوک جنگ باشلارلار . شوکلی شاه نان کافیرلرین بویوک باشی اولر . دشمن ارادان گئده ر .

سالور قازان گیل اؤز یوردلارینا قاییدیب و چوبانی می آخور ائله ر و ده ده قورقوت اونلارین جشن لرینده شرکت ائلییب دانیشیب خئیر دعا ائله ر

داستان تاراج خانه سالورقازان
روزي داماد بايندر خان ودلاور اغوز سالورقازان در مجلسي از سران اغوز سرمست گرديد و آهنگ شكار كرد و پسرش « او روز » را به همراه سيصد جوان به حفاظت و نگهبانه خانمانش گماشت.(زيرا در سرحد گرجستان اتراق كرده بودند و هر آن بيم حملة آنان مي رفت ).
جاسوس كفار خبرچيني كرد و شوكلي ملك با هفت هزار مرد جنگي شب نه به اردوي قازان تاخت و پس از قتل و غارت، نفوس بسياري را به اسارت گرفت و سپس براي غارت ده هزار گوسفند قازان راهي شد.
قاراجيق چوپان قوي پنجه، به همراهي دو برادرش در برابر لشكر تاراجگران جانانه مقاومت كرد و آنان را به عقب راند، ليكن دو برادر وي به شهادت رسيدند.
شبانگاه سالورقازان خوابي دهشتناك ديد و به تنهايي روانة اردوي خود شد. ايل خود را درهم و پريشان يافت و نالان از آب و گرگ و سگ چوپان ماوقع را جويا شد و سرانجام چوپان را پيدا كرد و پس از كسب خبر سر در پي كفار گذاشتند.
ليكن قازان انديشيد كه كمك چوپان حتي در صورت پيروزي، ماية حقارت اوست و كار او را كمرنگ جلوه خواهد داد. پس چوپان را به درختي بست و تنها رفت. امّا چوپان وفادار درخت را از جاي كند و دنبال او به راه افتاد و گفت: « درخت را با خود مي برم تا پس از پيروزي بر كفار غذاي سرورم را با آن طبخ نمايم!» اين سخن او بر دل قازان نشست و او را به همراهي پذيرفته و وعدة منصب به او داد.
از آن طرف شوكلي ملك سرمست و مغرور مي خواهد تا بورلاخاتون همسر اسير قازان براي او جام شراب بگرداند. بورلاخاتون را مي جويند، امّا چهل دختر اسير اغوز همگي خود را بورلا خاتون معرفي مي كنند.
كفار تصميم مي گيرند كه پسر قازان، « او روز » را به دار كشيد و گوشت او را به دختران اسير بخورانند و مي گويند مادر او مطمئناً نخواهد خورد و شناخته خواهد شد.
بورلا خاتون از پسرش چاره جويي مي كند، امّا پسر حفظ شرف پدر را ارجح مي شمارد و به مادرش سفارش مي كند كه همچون ديگر دختران عمل نمايد تا بازشناخته نشود.
دار را آماده مي كنند، امّا در همين هنگام قازان و چوپان سرمي رسند. قازان از تمامي اموال خود صرف نظر مي كند و تنها آزادي مادر پيرش را از پادشاه كفار درخواست مي كند، امّا آنان او را مسخره مي كنند.
در اين ميان، ناگاه اغوزان سرمي رسند و پس از طهارت و مناجات بر صف كفار يورش مي برند. جنگي بزرگ درمي گيرد و شوكلي ملك و سران كافران به هلاكت مي رسند. دو هزار كافر كشته شده و پانصد اغوز به شهادت مي رسند و سپاه دشمن درهم مي شكند.
سالور قازان به سرزمين خود بازمي گردد؛ شكرانه مي دهد و قاراجيق چوپان را به منصب ميرآخوري مي گمارد. دده قورقوت در اين مراسم شادمانه شركت مي كند؛ سخن سرايي كرده و دعاي خير مي نمايد.

دئییر گونلرین بیر گونونده بیرکه ند ده بیر اکین بیچین چی کیش واریمیش . بو کیشی نین بیر ائششه کی و نئچه مال داواری ( قویون ، گامیش ، اینک ، و ... ) واریمیش . یئمین یاخجی سینی مال داوارینا یئدیرده رمیش کی تئز کؤکه لیب اتلری برکتلی اولسون و اونلارین قاباغیندان قالانی یازیق ائششه که یئدیرده رمیش . بئناوا ائششه کین ده سه سی چیخمازیمیش . گونلرین بیر گونونده ائششه ک گؤره ر کی قویونون لاپ یئییمجیلین کی چوخ دا یوغونلامیشدی یئره ییخیب آیاقلارینی توتوب باشینی که سیرلر . یازیق قویون دا آخیر نفسلرینی چه کیب خیریلدیرمیش . ائششه ک دییه : آی یازیق قویون ائله یئمه یین ، بئله ده خیریلداماغی اولار .

...

منبع:http://gayagizi2.blogfa.com/

دئییر بیر گونلرین بیر گونونده بیر کیشی واریمیش . بو یازیق کیشی نین بیر یامان آروادی واریمیش .بیزیم زامان  آز گئده ر چوخ گئده ر وورار بو آرواد اؤله ر . گونلرین بیر گونونده کیشی آروادین قبری اوسته گئدیب بیرده بیر موللایا پول وئریب اؤزوینه ن قبراوسته آپارار تا آروادا یاسین اوخوسون . موللا یاسینین باشلار و کیشی ده یانیخلی – یانیخلی آغلار . بیر چوخ گئچمه ز بیردن بیره گرزیاشینی سیلیب قاییدیب موللایا

دییه ر : ایسته میرم قالانین اوخوما پولومودا ارزومه قایتار ، ادالاری یادیما دوشدو .

منبع:وئبلاگ قایاقیزی